Izraeli pritet të goditet nga dy valë sulmesh në të ardhmen e afërt, një nga Irani dhe tjetra nga Hezbollahu, sipas shërbimeve të inteligjencës amerikane. Por se kush do të godasë i pari dhe çfarë do të përfshijnë sulmet ende nuk dihet.

Sipas Shtëpisë së Bardhë, Biden dhe Harris u informuan nga ekipi përgjegjës për çështjet e sigurisë kombëtare në Shtëpinë e Bardhë mbi zhvillimet në Lindjen e Mesme, duke përfshirë kërcënimet e paraqitura nga Irani ndaj Uashingtonit aleatët për personelin ushtarak amerikan në rajon.

Presidenti amerikan dhe kandidatja për presidente u informuan gjithashtu për sulmin në bazën ajrore Al Assad dhe masat që po konsiderohen për të mbrojtur anëtarët e forcave të armatosura amerikane dhe për t’iu përgjigjur çdo sulmi.

Ata u informuan gjithashtu mbi lëvizjet e ushtrisë amerikane për të mbështetur mbrojtjen e Izraelit nëse do të vihej sërish në shënjestër.

Dhe gjithashtu, për përpjekjet diplomatike për të de-përshkallëzuar tensionin në rajon dhe përpjekjet, ende të bllokuara për të rënë dakord për një armëpushim në Rripin e Gazës midis Izraelit dhe Hamasit.

Në të njëjtën kohë, media iraniane raporton se Teherani i ka kërkuar Rusisë sisteme të avancuara kundërajrore ndërsa përgatitet për përgjigjen e mundshme të Izraelit.

Siç raporton Neë York Times, dy zyrtarë iranianë, njëri nga Garda Revolucionare, konfirmuan kërkesën iraniane, duke shtuar se transferimi i sistemeve (radar dhe anti-ajror) nga Rusia ka filluar.

Kujtojmë se dje kreu i Këshillit të Sigurimit rus, Sergei Shoigu mbërriti në Iran, i cili pas takimit me kreun e Forcave të Armatosura iraniane, gjeneralin Mohammad Bagheri, tha se “jemi gati për bashkëpunim të plotë me Iranin në çështjet rajonale”.

Nga ana e tij, kanali televiziv shtetëror i Izraelit, Kan, raportoi se zyrtarë të vendeve që po përgatiten të ndihmojnë Izraelin në rast të një sulmi nga Irani, kanë paralajmëruar Tel Avivin. Aviv të mos përgjigjet me forcë të madhe.

“Mos e teproni” thuhet se ishte mesazhi që zyrtarët perëndimorë i dërguan qeverisë Netanyahu, duke shtuar “mendoni seriozisht përpara se të kundërpërgjigjni. Qëllimi në fund të ditës nuk është të hyjmë në një luftë në shkallë të gjerë”.

Kujtojmë se prillin e kaluar kur Irani nisi një sulm masiv me dronë dhe raketa, forcat nga SHBA, Britania, Franca, Katari, Egjipti, Jordania, Arabia Saudite, Emiratet e Bashkuara Arabe dhe Bahreini ishin në anën e Izraelit./abcnews/